استمتع بخياسك ولا تكن خايس !!!!
قبل ماابداء الحتسي وهلوستي المعتاده قبل النوم لانني صرت شهرازاد واحتسي قصصي المعهوده لشهريار الي مدري وين ربي حاطه !!
حبيت اقول لكم قصه من تأليفي واخراجي والسيناريو حقي وتسذا وان شاء الله يجوز لكم وتصيرون تسون لي حبيتن ✌
ذات يوم كنت لافه العصبه على راسي في منزلنا المتواضع والعصبه تعني شرشف زي عصبه الزوله 👳
لان هذه الحركه تسويها الناس الي تكرف بالبيت وتشتغل 😁
المهم الا نزل من هذه العمامه شئ بسيط على عيني وانا اصرخ بقوه حسبته جني مضيع طريقه 😳
وبعدها استحيت على وجهي وصرت التفت يمين يسار فوق تحت 😳 الحمد لله محد شافني
الى اختي الحبيبه عصمان كانت خلفي واكشفتني 😁
ماتت ضحك على شكلي لانني خفت من لا شئ !!
بعدها حشرتني بالزاويه لانني من الفشله بكيت !!!
وقالت لي حكمه كانت جميله صراحه !!
قالت لي استمتعي بخياسك ولا تصيرين خايسه !!
هي اختي المصوبعه متأثره بالدكتوره سلوى العضيدان وعاجبها عنوان كتابها استمتع بفشلك ولا تكن فاشلا !! فصارت تردد دائما استمتع بخياسك ولا تكن خايس !! ومثل ماقالت اوبرا وينفري Be proud because you're ugly
واختي جازت لها الفكره وتسذا !!
بس مو معنى كلامي انكم تخيسون وتصرعون اهلكم بالريحه وتجلسون جنب امكم او ابيكم !!
كذا تلاقون هديه هف النعل مع نجوم الشرف على جبينكم
أقصد من كلامي عيشوا حياتكم بالشكل الي يعجبكم انتم مو يعجب الناس لان الناس ماراح يعجبها شئ فيكم !!
اضرب مثال :
الوحده مننا يابنات تشيل وتحط وتلبس وتتزين وبدي كير ومناكير واستشوار وحوسه بالاخير ترتز في احد العروس وتجيها عجوز وحده من نظاراتها مكسوره والبنت يالله من فضلك تختارها !!
والجميلات طايح حظهن بالبيت ولا اذا تزوجن يخونها زوجها !!
ولا معنى كلامي احسد القبيحات ولا اتكلم عن الجميلات !!
اقصد من كلامي ان اللبس يكون معقول والشكل يكون معقول لا تبذير ولا إسراف ولا ماركات ولا هم يحزنون !
واستمتعي بخياسك وحوستك في بيتك عيشي حياتك وصوبعي للي مايجوز لك
تعبنا واحنا نتميلح عند خلق الله وهم مايستحقون شئ
ولا تكونين خايسه في صلاتك ولا صيامك ولا عند زوجك واهلك
ووسعي صدرك عند اهلك واحبابك ولا تخيسين عندهم هههه
وترا الناس مايعجبهم شئ ورضا الناس غايه لا تدرك
ثرثره :
الدنيا ماراح تدوم لأحد وهي اقصر من اننا نبكي عليها ونخلي كلام الناس اهم ماعلينا !!
مخرج :
المبدع : سالم سيار
بعنا فينا واشترينا ولا درينا بالثمن ..
الغدر منا وفينا لاتقول من الزمن !!
ماتصير الناس ناس لارحل عنها الضمير ,
ماتصير الناس ناس لا طغى فيها الكبير ..
الوهم يكبر و نكبر داخل الاوهام هـم ..
الالم يكبر و نكبر .. داخل الالام غـم !
ليه كل كف جبرتنا لملمتنا و كسرت ؟
ليه كل كف حضنتنا شتتنا و ارحلت ؟؟
يعني هذي هي الحياة و لا يعني هذا حنـّا
لارحل عنـّا الضمير نهدي الايام .. آآآه ؟
من هدم نفسه بنفسه مابنى عمره صحيح
و الضعيف من النفوس يهدي عمره لا يريح ..!
لا اتلفت لا تنادي لا بشر حولك ولا حولك مبادي ..
لك مصير من المصير و لك جروح من الجروح ..
ولك حياة من الحياة ومن نصيب الآه .. آآآآآآه
ماتصير الناس ناس لارحل عنها الضمير ,
ماتصير الناس ناس لا طغى فيها الكبير ..
ومضه قلمي الناشف :
اذا لم يعجبك احد صوبع له وشق طريقك بأبتسامه 😂
ليست هناك تعليقات:
إرسال تعليق