غدر البدر
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مدخل :
ليالي غاب عنها البدر
, ما عانق سماها نور
طوت كل السنين اللي بقايا بسمتي فيها
رماني حظي العاثر
وهيج كسري المجبور
أبد ما كنت أتوقع
طعون الغدر تدميها
يمر الوقت وأحلامي
تعاند قلبي المكسور
وأنا ما أقدر على
الأيام من كثر بلاويها
ألا ياقدري الخاين ,
تجاملني بكل سرور
تعبت أصحى على جروح
عجزت ألقى مداويها
بقايا جرحي النازف
على دربي كذا منثور
على أوتار أحزاني
حروفي صرت أغنيها
ملامح صفعه أيامي
وقلب قد حوته كسور
تعبت أجمع شتات الوقت
, على اليوم أراضيها
بعد ما أوفيت يا خلي
, جزاك ( الطعن ) مشكور
حشمت خطاك والزلة في
كل مرة أعديها
دخيلك يا ألم أرحل
بعد ما بان ذا المستور
وأنا بتبع أماني
الوقت وفي كفي بداريها
قبلت الجروح وأوجاعه
, ولكن دنيتك بـ تدور
جريمة غدرك القاسي
بتوضح لك تواليها
علمتني الدنيا كيف
أرحل وعلمني البدر الغدر
أرسم على جروح الهوى
وازين معانيها
قصه غدر البدر :
المشهد الأول :
أسيل تدرين أني أحب
البدر !! أحب نورة في الليل أحب أحساسة فينا أحب صورته لنعكس نوره بعيوننا وأكثر
شئ أحبه فيه أننا نتكلم له وهو يسمع ولا يؤذينا
!!
كلما حسيت بهموم
الدنيا بس أنتظر البدر يطلع وينور الدنيا علينا وكلما بكت عيوني اشتاق لذكرى ليالينا وحلم
الطفولة كان أسمى معانيها
والمصيبة أني سمعت أن
البدر يغدر فينا !! معقولة يا أسيل البدر يغدر ويخون أحلام ليالينا !!!
ومرت سنه والبدر أظلم
عني وبداء نورة يرحل من حياتي ومرت سنة والبدر ينور لأسيل حياتها وتركني بذكرى أليمة
وهذا البدر اليوم
يخون وخيانته صفعه عظيمة وهذا أنتي يا أسيل أخذتي من البدر وخليتني أعاني
بهموم !!!
المشهد الثاني :
مها : أسمعي
بقولتس سر وبس لا تعلمين أحد !!
سارة: طيب قولي وش عندتس
مها : شفتي فلانة قالت لي ذاك اليوم انها تطلقت
من فلان والسبب أنه شاف رقم غريب بجوالها
وهي ردت عليه !!
سارة :
يوووووووووة صدق عاد ياحرام
مها : أيه ويقولون
أنه أصلا شكاك يعني بس يراقب جوالها وحالته حاله
سارة : الله يعينها
الطلاق صاير مثل السلام عليكم
مها : والزينة هو
ماخلا بنت ما كلمها وكل جواله علاقات مع البنات
ومضه :
عندما تخون ستخان
وعندما تغدر سيغدر بك وعندما تظلم ستظلم فأفعل كما يحلو لك فكما تدين تدان !!
همسه محبه :
الدنيا تدور وثم تدور
وتعود وتقف عندك لتفعل بك ما فعلته بغيرك تذكر ذلك جيدا يامن تؤلم غيرك وتمضي كأنك
لم تفعل شيئا !!
مخرج :
نامت الشمس
........... وأستيقظ عناي ...!
حاول دون الكرى
...... طيف ضوى ...!
ساعة أقبل نطحته من
عماي ...!
وصحت .....
يا سيدي ..........
طال النوى !!
أحسب أنك معي
........ ليتك معاي !!
يوم ضميت يديني الهوى
!!
وين أنادي !!؟؟
ومن يسمع نداي !!؟؟
صرختي فيك ........
وسكوتي سوى !!!
بقلمي المزيون : حالمه !!!!
ليست هناك تعليقات:
إرسال تعليق